(რეზონანსი) შობის ღამეს ხონის ცენტრში საახალწლო ნაძვის ხე დაიწვა. ნაძვის ხეს ცეცხლი დაახლოებით ღამის სამ საათზე გაუჩნდა და სრულად განადგურდა.

ცეცხლის გაჩენის მიზეზი უცნობია. ხონის მერიაში აცხადებენ, რომ ადგილზე ახალ ნაძვის ხეს დადგამენ. შინაგან საქმეთა სამინისტროს ინფორმაციით, ადგილზე საგამოძიებო მოქმედებები მიმდინარეობს.

ადგილზე გამოიძახეს სახანძრო ბრიგადაც. ხონის მერის ინფორმაციით ცეცხლის გაჩენის მიზეზი სავარაუდოდ ელექტროგაყვანილობა გახდა.