საახალწლო სამზადისი მთელი ქვეყნის მასშტაბით დილიდან მიმდინარეობს, მათ შორისაა ქუთაისი. ამ ქალაქში დღის განმავლობაში სხვადასხვა კულტურული აქტივობებია დაგეგმილი – საბავშვო კონცერტები, თეატრალური წარმოდგენები, დრამების შოუ, ხელნაკეთი ნივთების გამოფენა-გაყიდვა.

12:00 საათიდან ნებისმიერ მსურველს საშუალება ექნება გრანდიოზული გოზინაყი დააგემოვნოს. ქალაქის ქუჩებში გამოჩნდება თოვლის ბაბუა, რიმელიც პატარებს ტკბილეულს დაურიგებს.

ქუთაისში დღეს ქართველი პიანისტის დათუნა ალადაშვილის კონცერტი გაიმართება. საღამოს კი გალა-კონცერტზე ცნობილი ქართველი მომღერლები – რობი კუხიანიძე, ქეთათო ჩარკვიანი და ლუკა ზაქარიაძე იმღერებენ.