საქართველოს პრეზიდენტი, სალომე ზურაბიშვილი და უკრაინის პრეზიდენტი, პეტრო პოროშენკო არ მოხვდნენ კრემლის მიერ გამოქვეყნებულ სიაში, ვისაც რუსეთის ლიდერმა, ვლადიმერ პუტინმა დამდეგი ახალი წელი მიულოცა, – ამის შესახებ ინფორმაციას „რია ნოვოსტი“ ავრცელებს.

როგორც რუსული გამოცემა იუწყება, პუტინმა მილოცვა 40 ქვეყნის ლიდერებს გაუგზავნა.

„ვლადიმერ პუტინმა დამდეგი ახალი წელი მიულოცა დონალდ ტრამპს, მეის, დედოფალ ელისაბედ მეორეს. კანადის პრემიერ-მინისტრ ტრიუდოს კი ახალ წელთან ერთად დაბადების დღეც მიულოცა. რუსეთის ლიდერმა სულ 40 ქვეყანას მიულოცა. უკრაინა და საქართველო კი ამ წელს კრემლისგან მისალოცი ტელეგრამის გარეშე დარჩნენ“, – აღნიშნულია „რია ნოვოსტიზე“.