ბელარუსის პრეზიდენტმა ალექსანდრე ლუკაშენკომ რუს კოლეგას, ვლადიმერ პუტინს უცნაური საახალწლო საჩუქარი გაუკეთა - სალა და ოთხი ტომარა კარტოფილი გაუგზავნა საკუთარი ეზოდან. თანამეგობრობის ქვეყნების სხვა ლიდერებს კი - ნაძვის ხის ბურთები.

როგორც ბელარუსის მეთაურის პრესმდივანი ნატალია ეისმონტი აცხადებს, ასეთი საჩუქარი პუტინმა ლუკაშენკოს თავად სთხოვა ხუმრობით, როცა ბელარუსმა კოლეგამ ჰკითხა, საახალწლოდ რა გაჩუქოო.

როგორც აღმოჩნდა, ამ საჩუქარში კარტოფილის რამდენიმე ელიტური ჯიშია წარდგენილი, რომელთაგან თითოეული კონკრეტული კერძისთვის არის განკუთვნილი.