თბილისში, პეკინის ქუჩაზე მომხდარზე გამოძიება სისხლის სამართლის კოდექსის ორი მუხლით დაიწყო. გუშინ გვიან ღამით ახალგაზრდა კაცი დაჭრეს.

„გამოძიება სისხლის სამართლის კოდექსის ორი მუხლით დაიწყო – 124-ე და 236-ე, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას და ცეცხლსასროლი იარაღის მართლსაწინააღმდეგოდ შეძენა-ტარებას გულისხმობს“, – აცხადებენ შსს-ში.

უწყებაში მომხდარის დეტალებზე არ საუბრობენ, თუმცა არსებული ინფორმაციით, ახალგაზრდა მამაკაცს ფეხის არეში აღენიშნება მსუბუქი დაზიანება, რომელიც სავარაუდოდ, მინის დაზიანების შედეგად აქვს მიყენებული. ერთ-ერთი ვერსიით, შემთხვევა ლომბარდთან მოხდა. სხვა დეტალები, ამ დროისთვის, უცნობია.