ზეინაბ მურჯიკნელი მსოფლიოს იმ 10 მასწავლებელს შორისაა, რომელიც PASCH პრემიის მფლობელი გახდა. სკოლების პროგრამა (PASCH) 2008 წელს შემუშავდა და  მასში მსოფლიოს 2000-ზე მეტი სკოლაა ჩართული. პროგრამის 10 წლის იუბილესთან დაკავშირებით, 35 ქვეყნიდან 483 ადამიანის მიერ 62 კანდიდატურა დასახელდა.  

“მასწავლებელთა სახლის” ინფორმაციით, PASCH ჯილდოს ის ადამიანები იღებენ, რომლებიც  გერმანულს როგორც მეორე ენას ასწავლიან და მოსწავლეებს ინტერკულტურულ ღირებულებებს უზიარებენ.

ზეინაბ მურჯიკნელი გერმანულ ენას პირველ ექსპერიმენტულ საჯარო სკოლაში ასწავლის. 25 დეკემბერს მას მასწავლებელთა პროფესიული განვითარების ეროვნული ცენტრის ხელმძღვანელი ბერიკა შუკაკიძე შეხვდა და ორგანიზაციის სახელით საჩუქრები გადასცა.