(რეზონანსი) წყალტუბოს მუნიციპალიტეტის სოფელ ფარცხანაყანებს მგლები შეესია. ადგილობრივების თქმით, დაკბენილია რამდენიმე ადამიანი, ასევე ცხვრები და ძაღლები.

თვითმხილველები ამბობენ, რომ მგლები ხალხს ეზოებში უვარდებიან და მათ ღამით გარეთ გამოსვლის ეშინიათ. მოსახლეობა ითხოვს, შესაბამისმა უწყებებმა გამოყონ მონადირეები და ადგილობრივებს მისცენ ტყვიები, რათა დროულად მოგვარდეს პრობლემა.