მარჯანიშვილის თეატრის მსახიობი გურანდა გაბუნია კლინიკიდან სახლში გაწერეს. "პრაიმტაიმის" ინფორმაციით, მსახიობი თავს ამ დრომდე შეუძლოდ გრძნობს.

"ძალიან დიდი მადლობა თქვენ, რომ დაინტერესდით და გაგახსენდით. ძალიან ცუდად ვარ, ძალიან", - აღნიშნა გურანდა გაბუნიამ.

შეგახსენებთ, მსახიობ გურანდა გაბუნიას ჯანმრთელობის მდგომარეობა 27 ნოემბერს გაუარესდა, რის გამოც იგი კლინიკაში მოათავსეს. მას კუჭი აწუხებდა და ოპერაცია გაუკეთეს. მოგვიანებით კი მსახიობმა ფეხიც მოიტეხა.