ახალმა პრეზიდენტმა ცესკო-ს თავმჯდომარის ვაკანტურ პოსტზე ახალი კანდიდატურა უნდა წარადგინოს. "ქართული ოცნება," საარჩევნო კომისიის თავმჯდომარის თანამდებობაზე სამ კანდიდატურას განიხილავს. მათ შორის კვლავ არის თამარ ჟვანია; ასევე ამ თანამდებობისთვის იბრძვის საარჩევნო კომისიის მდივანი, გიორგი ჯავახიშვილი - ის თბილისის საკრებულოს თავმჯდომარის, გიორგი ტყემალაძის, ოჯახის წევრია.

"კურიერთან" საუბრის დროს ტყემალაძე ადასტურებს ჯავახიშვილთან ნათესაურ კავშირს, თუმცა თემის განხილვაში მის ჩართვას კატეგორიულად უარყოფს. ასევე ერთ-ერთი ვერსიით, ცესკო-ს თავმჯდომარეობა შესაძლოა, შესთავაზონ საფრანგეთში საქართველოს ყოფილ ელჩს, ეკა სირაძე-დელონეს.