(რეზონანსი) საქართველოს კათოლიკოს პატრიარქი მეხუთე პრეზიდენტის ინაუგურაციას დაესწრება. ამის შესახებ ინფორმაციას "პრაიმტაიმი" ავრცელებს.

საქართველოს ახლადარჩეული პრეზიდენტის ინაუგურაცია თელავში, 16 დეკემბერს გაიმართება. სალომე ზურაბიშვილი ფიცს ერეკლე მეფის სასახლის ეზოში დადებს. ინაუგურაცია 15:00 საათზე დაიწყება და 40 წუთის განმავლობაში გაგრძელდება. საქართველოს საგარეო საქმეთა სამინისტროს ინფორმაციით, ზურაბიშვილის ინაუგურაციას მსოფლიოს 55 ქვეყნის 150-მდე წარმომადგენელი დაესწრება.