ექიმი გიორგი ლომინაძე შემდეგი სახის მიმართვას ავრცელებს:

"სერგეენკოს კისერზე ყოფილა იმ ბიჭის და არა მხოლოდ იმ ბიჭის სიკვდილი. რატომ არის ნალოქსონი რეცეპტიანი წამლების სიაში? რამდენად მავნებელი უნდა იყო, რომ მსგავსი რამ მოგივიდეს თავში და ოპიატების ზედოზირების მქონე უამრავი ადამიანი სასიკვდილოდ გაწირო მაშინ, როცა სულ ადვილად შეიძლება მათი გადარჩენა, თუკი ნალოქსონი მომხმარებლებისთვის ხელმისაწვდომი იქნება? ან მოტივაცია რა იყო მაგ აკრძალვის – იფიქრეს, რომ ოპიატ-რეცეპტორების სრულ ანტაგონისტს ოპიატური თრობის მიღების მიზნით მოიხმარდა ვინმე? სრული სიბნელე, უვიცობა, და მავნებლობა", - აცხადებს გიორგი ლომინაძე.