თბილისის საკრებულოს მიერ დამტკიცებული ტაქსებთან დაკავშირებული ახალი რეგულაციებ, ძალაში მომავალი წლის ოქტომბრიდან შევა. მის თანახმად იქნება ორი "ა" და "ბ" კატეგორიის ლიცენზია.

„ა" კატეგორიის ლიცენზია ითვალისწინებს, რომ ტაქსი უნდა იყოს თეთრი ფერის, მარცხენასაჭიანი, ხუთკარიანი (საბარგულის კარიანად). ასეთი ტაქსები ისარგებლებენ უფასო საპარკინგე ადგილებით. ტაქსის მძღოლები, რომლებიც ელექტრომობილებით ახორციელებენ ტაქსის სერვისს, სრულად გათავისუფლდებიან ნებისმიერი ტიპის საპარკინგე ადგილზე გადასახადისგან. 

"ბ" კატეგორიის ტაქსებზე ფერის მოთხოვნა არ ვრცელდება და ისინი მხოლოდ გამოძახებებზე იმუშავებენ.