(რეზონანსი) "სასიკეთო ტრენდი, რომელიც ნავთობის საერთაშორისო ბაზარზე დაფიქსირდა, უახლოეს პერიოდში ქართულ ბაზარზეც აისახება", - ეს განცხადება "ვისოლის" გენერალურმა დირექტორმა ვასილ ხორავამ "საქმის კურსის" ეთერში გააკეთა.

მისი თქმით, ფასის კლება გარდაუვალია და ეს პროცესი თანმიმდევრულად მოხდება.

ვასილ ხორავას ინფორმაციით, პირველადი ცვლილებები ფასებმა უკვე განიცადა, 2-5 თეთრის ფარგლებში, თუმცა დღეს არსებული სიტუაცია უფრო მეტს მოითხოვს.

ცნობისთვის, საწვავზე ფასების მოსალოდნელი კლების შესახებ, ნავთობიმპორტიორთა კავშირმაც განაცხადა.