კიევის პოლიციის ცნობით, საქართველოს მოქალაქე, 1987 წელს დაბადებული ნუკრი  დოჩია, იგივე გალსკი უკრაინაში უკანონოდ შევიდა და 3 კვირის განმავლობაში ცდილობდა ბაზრეობებსა და ბინის ქურდების დაჯგუფებებზე კონტროლის დამყარებას, აწყობდა კრიმინალური ავტორიტეტების ე.წ. "სხოდკებს".

გალსკი ქურდად 2013 წელს თურქეთში აკურთხეს. ადრე იგი სასჯელს  საქართველოსა და რუსეთში იხდიდა.

ნუკრი  დოჩიას დაკავების შემდეგ, მიგრაციულმა სამსახურმა  მისი დეპორტაცია მოახდინა. მას 3 წლით აეკრძალა უკრაინაში შესვლა.