"დიდი გულით მინდა მივუსამძიმრო მის ოჯახს, ახლობლებს და მეგობრებს. გულდასაწყვეტია, რომ ამ ასაკში წავიდა ამ ქვეყნიდან" - განაცხადა ნიკა რურუას სახლში, მისასამძიმრებლად მისულმა საქართველოს ყოფილი პრემიერ-მინისტრმა, გიორგი კვირიკაშვილმა. 

"ნიკოლოზს ვიცნობ არაერთი ათეული წელია, ახალგაზრდობიდან და ძალიან გული დამწყდა მისი წასვლის გამო. ჩვენი ცხოვრების გზები გაიყარა, პოლიტიკურადაც სხვადასხვა გუნდში აღმოვჩნდით, მაგრამ როდესაც ადამიანი მიდის, პოლიტიკური აზრთა სხვადასხვაობა აქტუალობას კარგავს" - განაცხადა კვირიკაშვილმა.