(რეზონანსი) ჟურნალისტი ლალი მოროკშინა მედია -კავშირ „ობიექტივის" ეთერში სკანდალური ინფორმაციას ავრცელებს, მისი თქმით, საქართველოს ექს-პრეზიდენტ მიხეილ სააკაშვილის დაკვეთით იგეგმებოდა გრიგოლ ვაშაძის მკვლელობა, რომლის მიზანი ქვეყანაში დესტაბილიზაციის შექმნა იყო.

„ჩვენ, ჩვენმა ქვეყანამ ავიცილეთ ძალიან სერიოზული არეულობა. დაგეგმილი იყო ვაშაძის მკვლელობა და გუშინ, ჩვენ კადრებში ვნახეთ, რომ მას საკმადო სქელი ჯავშანჟილეტი აცვია და ძალიან შეშინებულია. ზოგადად, ნებისმიერი ადამიანისთვის, ვისაც ეტყვიან, რომ შენ ხარ სამიზნე, ძალიან რთულია ამის გადატანა, თუ ის არ არის პროფესიონალი სამხედრო...

ცხადია მკვლელობის დამკვეთი იყო სააკაშვილი, რადგან ამას მოჰყვებოდა არეულობა, რასაც ძალიან კარგად შეუწყობდნენ ხელს ზუსტ ის უკრაინელი ბოეივიკები, რომლებიც ჩამოსული იყვნენ... სხვათაშორის,თითოეულ მათგანზე უკრაინაში სისხლის სამართლის ძალიან მძიმე დანაშაულზე აღძრულია საქმე, მათ შორის იარაღის შეძენაზე, მათ შორის ადამიანების გატაცებებზე... სხვათაშორის ვახტანგ მაისაიამ და ირაკლი კაკაბაძემ ეს განცხადება რამდენიმე დღით ადრე გააკეთეს. ვფიქრობ, ჩვენი სახელმწიფო სტრუქტურები მათ განცხადებებსაც დაეყრდნენ. კარგია, რომ ამ საშინელები უგულებელყოფა მოხდა. ეს იქნებოდა ძალიან დიდი ტრაგედია. არ აქვს მნიშვნელობა ვინ ვისი პარტიის მხარდამჭერია სისხლის ღვრა უნდა დამთვარდეს.სამწუხაროა, რომ ამ რიტორიკა არ იზიარებს სააკაშვილი, რომელიც პირდაპირ სისხლის ღვრისკენ მოუწოდებს," - განაცხადა ლალი მოროშკინამ.

შინაგან საქმეთა სამინისტროს ინფორმაციით, 2 დეკემბერს, ორ სასტუმროში სპეცოპერაციის შედეგად უკრაინის ექვსი და საქართველოს ერთი მოქალაქე დააკავეს.

შსს-ს ცნობით, სასტუმროს ნომრების ჩხრეკისას ამოღებულია ბერეტას და მაკაროვის სისტემის ცეცხლსასროლი პისტოლეტი, ავტომატური ხელნაკეთი ცეცხლსასროლი იარაღი და სხვადასხვა სახის საბრძოლო მასალა.

ფაქტზე გამოძიება დაწყებულია საქართველოს სსკ-ის 236-ე მუხლის მე-3 და მე-6 ნაწილებით, რაც ჯგუფურად ცეცხლსასროლი იარაღის, საბრძოლო მასალის, ფეთქებადი მოწყობილობის მართლსაწინააღმდეგო შეძენა-შენახვას გულისხმობს.

"მარშალპრესი"