მიხეილ სააკაშვილის ყოფილი პრესსპიკერი, მანანა მანჯგალაძე რამდენიმე დღის წინ მომხდარ ფაქტზე წერს, როცა მას ორი ახალგაზრდა მამაკაცი თავს სწორედ იმის გამო დაესხა, რომ სააკაშვილთან მუშაობდა:
"ეს ეტყობა ტრენდია. ორი დღის წინ, კინოში მივდივარ და ჩემს მეგობრებს ველოდები, ვაჟა-ფშაველაზე ვდგავართ მე და ნათია ბანძელაძე. მოვიდა ორი ახალგაზრდა მამაკაცი. ერთი უფრო აქტიური, "მიშას იცნობთო?" მართლა დავაპირე მეკითხა "რომელი მიშა-თქო". ხოდა, დაიწყო, მაგრამ რა დაიწყოო. გინება გინებაა, შეურაცხყოფა - ნუ, მიშას ბოზები ხომ ძაან ჩვეულებრივია ყველაფერ იმასთან, რაც ამოსდიოდა. მერე წავიდა და იმაყებდა, თავს მოიწონებდა: მანანა მანჯგალაძეს ვაგინეო. თან გარბოდა...
არ ვაპირებდი ამის დაწერას, მაგრამ ეტყობა ასე არჩიეთ და მიხედეთ თქვენს მონაგარს. მე თავს ჩემითაც კარგად დავიცავ", - წერს მანჯგალაძე.