(რეზონანსი) შვილს ვაცილებდით ქუთაისის აეროპორტიდან, რა დროსაც რამდენიმე ადამიანი მოვიდა და არჩევნებში წაგება მომილოცა, სიტყვიერი დაპირისპირების შემდეგ ფიზიკურ ანგარიშსწორებაზე გადავიდნენ, - ამის შესახებ პუბლიცისტმა თაკო ჩარკვიანმა განაცხადა.
მისი თქმით, თავდამსხმელები მის მეუღლეს ფიზიკურად გაუსწორდნენ.
„ისინი ჰგავდნენ ბანდას. მე პირველად შემეშინდა, რადგან ჩემი პოლიტიკური შეხედულებების გამო, ვინმეს შეეძლო ჩემი და ჩემი მეუღლის ფიზიკური განადგურება", - განაცხადა თაკო ჩაკვიანმა.
თაკო ჩარკვიანი აეროპორტის სათვალთვალო კამერების ჩანაწერებს ამოღებას ითხოვს. ამ დროისთვის კი დაპირისპირების ამსახველი ვიდეო თვითმხილველმა გაავრცელა.
შინაგან საქმეთა სამინისტრომ თაკო ჩარკვიანსა და მის მეუღლეზე თავდასხმის ფაქტზე 4 პირი დააკავა.