(რეზონანსი) ბორჯომში, ვაშლოვანის დასახლებაში ავტოსაგზაო შემთხვევისას ერთი ადამიანი დაიღუპა, სამი კი დაშავდა.

„მაზდას" მარკის ავტომობილი ბეტონის ღობეს შეეჯახა. შემთხვევის შედეგად მძღოლი - 23 წლის ბიჭი ადგილზე გარდაიცვალა.

სასწრაფო სამედიცინო დახმარების ჯგუფმა დაშავებულები ბორჯომის სამედიცინო დაწესებულებაში გადაიყვანა.

გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც ავტოსაგზაო მოძრაობის წესების დარღვევას გულისხმობს, რამაც ადამინის სიცოცხლის მოსპობა გამოიწვია.