(რეზონანსი) საპრეზიდენტო არჩევნების მეორე ტურთან დაკავშირებით, 28 ნოემბერს სამხრეთ ოსეთის დეფაქტო ხელისუფლება ე.წ. საზღვარს ჩაკეტავს. ამის შესახებ ცნობა სამხრეთ ოსეთის დეფაქტო უშიშროების კომიტეტმა გაავრცელა.

მათი ინფორმაციით, ე.წ. საზღვარი 27 ნოემბერს 20:00 საათზე ჩაიკეტება და 29 ნოემბრის 06:00 საათზე გაიხსნება.

საპრეზიდენტო არჩევნების მეორე ტური 28 ნოემბერს გაიმართება.

პირველი ტური 28 ოქტომბერს გაიმართა. ცესკოს მონაცემების თანახმად, „ქართული ოცნების" მიერ მხარდაჭერილმა დამოუკიდებელმა კანდიდატმა სალომე ზურაბიშვილმა ხმების 38.64% მიიღო, „ნაციონალური მოძრაობის" კანდიდატმა გრიგოლ ვაშაძემ - 37,74%.