ქუთაისის რაიონულმა სასამართლომ ონში დაჭრილი ნაცმოძრაობის შტაბის ხელმძღვანელის საქმეზე დაკავებულ კახა ისაკაძეს პატიმრობა შეუფარდა. მან და კიდევ ერთმა პირმა ნასვამ მდგომარეობაში ღამით ნოდარ ბურდილაძე დაჭრეს.

შემთხვევა 2 დღის წინ მოხდა. ბურდილაძეს თავს დაესხნენ, როცა მან სახლის წინ ხმაური გააპროტესტა. ბურდილაძის ჯანმრთელობის მდგომარეობა მძიმეა, ის თბილისში, ღუდუშაურის კლინიკაში გადმოიყვანეს.

შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.