(რეზონანსი) დღეს, კიუშუ ბაშოს მეცამეტე საშეჯიბრო დღე გაიმართა და ლევან გორგაძე იგივე ტოჩინოშინმა გაიმარჯვა.

ტოჩინოშინის მეტოქე ნომერ მეექვსე მაეგაშირა ტაკანოივა იყო, რომელსაც ამ ბაშოზე ბალანსი 6-6-ზე ჰქონდა.

ლევან გორგაძეს კიუშუ ბაშოზე ბალანსი 7:6-ზე გაუხდა. მას დარჩენილი 2 ბრძოლიდან 1-ში გამარჯვება სჭირდება, რათა კაჩი-კოში ანუ დადებითი ბალანსი დააფიქსიროს.

ხვალ, ბაშოს ბოლოსწინა დღეს ქართველი ოძეკის მეტოქე სეკივაკე მიტაკეუმი იქნება.

რაც შეეხება გაგამარუს, მან დღეს ვაკამოტოჰარუ დაამარცხა და ბალანსი 5:2 გაუხდა, შესაბამისად მომდევნო ბაშოზე ის ჯურო ლიგაში იასპარეზებს.