ცოტა ხნის წინ ზუგდიდში გარემოს დაცვის ინსპექციის ყოფილ უფროსს ბაკურ გულუას ესროლეს. გულუას ჭრილობა მარჯვენა ბარძაყის არეში აქვს მიყენებული. ინციდენტის მიზეზი ჯერჯერობით უცნობია, თუმცა, წინასწარი ინფორმაციით ფაქტს წინ ურთიერთშელაპარაკება უძღოდა.

ზუგდიდის რეფერალური ჰოსპიტალის კლინიკური დირექტორის, სულხან ორჟონიას განმარტებით, დაჭრილი მამაკაცი გადაუდებელი მედიცინის განყოფილებაში კვლევის სტადიაშია.

როგორც "პრაიმტაიმს" შინაგან საქმეთა სამინისტროში განუცხადეს, მომხდართან დაკავშირებით მიმდინარეობს მოკვლევა.