ხობის რაიონში საცხოვრებელი სახლის აფეთქების შედეგად დაშავებულებიდან ერთ-ერთი წუხელ გარდაიცვალა. გარდაცვლილი 66 წლის ქალია. მას სხეულის 85% დამწვრობა და სასუნთქი გზების დაზიანება აღენიშნებოდა. 1 დღით ადრე კი იმავე დამწვრობის ცენტრში 67 წის მამაკაცი გარდაიცვალა.

სტაციონარში ამ დროისთვის ჭითანავების ოჯახის კიდევ სამი წევრი რჩება, რომელთა ჯანმრთელობის მდგომარეობა ისევ კრიტიკულია. დაშავებულებიდან ერთ-ერთი 9 წლის გოგონაა. მათ სხეულის მეორე და მესამე ხარისხის დამწვრობასთან ერთად, სასუნთქი გზების დაზიანება და თერმული შოკი აღენიშნებათ. ისინი მკურნალობას დამწვობის ცენტრის რეანიმაციულ განყოფილებაში განაგრძობენ.