ხობის მუნიციპალიტეტის სოფელ ხეთაში, საცხოვრებელ სახლში გაჩენილი ხანძრის შედეგად 5 ადამიანი, მათ შორის, 2 ბავშვი დაშავდა. დაზიანებების სიმძიმის გამო მათი სასწრაფოდ თბილისში გადმოყვანა იგეგმება. წინასწარი ინფორმაციით, თავდაპირველად ხანძარი ღუმელის აალებამ გამოიწვია, რის შემდეგაც, სავარაუდოდ, სახლში შენახული საწვავი აფეთქდა. დამწვარია 150 კვ/მ ფართობი. ადგილზე მუშაობს 3 სახანძრო-სამაშველო ჯგუფი.