(რეზონანსი) საქართველოს კათოლიკოს-პატრიარქმა ილია მეორემ სამების ტაძარში ქადაგებისას ყურადღება ქვეყანაში მიმდინარე მოვლენებზე გაამახვილა და იმედი გამოთქვა, რომ საპრეზიდენტო არჩევნები მშვიდობიანად ჩაივლის.

"ღმერთმა ინებოს, რომ მშვიდობა იყოს ეკლესიასა და ქვეყანაში. ღმერთმა ინებოს, რომ ის არჩევნები, რომელიც მომავალში უნდა იყოს საქართველოში, პრეზიდენტის არჩევნები, მშვიდობით ჩატარდეს. ღმერთი მოწყალეა", - ბრძანა უწმიდნესმა.

საქართველოს საპრეზიდენტო არჩევნების მეორე ტური 28 ნოემბერს გაიმართება.