გროზნოს პოლიციის შენობასთან ახლოს, სასაზღვრო გამშვებ პუნქტზე თვითმკვლელმა ტერორისტმა თავი აიფეთქა. ინფორმაციას ჩეჩნეთის შს მინისტრი აპტი ალაუდინოვი ავრცელებს.

როგორც გროზნოს პოლიციაში განმარტავენ, აფეთქებამდე ეჭვმიტანილს „არაადექვატური ქცევის“ გამო დოკუმენტების წარდგენა სთხოვეს, თუმცა ქალი პოლიციელების ბრძანებას არ დაემორჩილა. ამის შემდეგ პოლიციამ გამაფრთხილებელი გასროლა განახორციელა, რის შემდეგაც ტერორისტმა სხეულზე დამაგრებული ნაღმი აამოქმედა.

ადგილობრივი მედიის ინფორმაციით, თვითმკვლელი ტერორისტი ადგილობრივი არ ყოფილა, ერთ-ერთი ვერსიით, სავარაუდოდ, დაღესტანიდან იყო. მის გარდა, ტერაქტს მსხვერპლი არ მოჰყოლია.