დაახლოებით ერთი საათის წინ გორში 14 წლის წინ გატაცებული ბავშვის ცხედრის სამძებრო სამუშაოები შეწყდა, პარკის ტერიტორიაზე შესვლა ამ დრომდე აკრძალულია.
ამ ეტაპზე გორში ცენტრალურ პარკში სამძებრო სამუშაო შეწყდა, კრიმინალისტებმა ტერიტორია უკვე დატოვეს, თუმცა ადგილზე რჩებიან პოლიციის თანამშრომლები. ასევე, ამ დრომდე, აკრძალულია პარკის ტერიტორიაზე შესვლა.
მეორე დღეა, ტერიტორია ლენტებითაა შემოსაზღვრული. სამართალდამცველები 14 წლის წინ გაუჩინარებული ბავშვის ცხედარს ეძებდნენ.
ოფიციალური უწყებები ჯერ არ განმარტავენ, თუ რა შედეგით დასრულდა სამძებრო სამუშაოები.
ცხედრის ძებნაში დღეს დილიდან სამხარაულის სახელობის ბიუროც ჩაერთო. სამართალდამცველებმა საგამოძიებო მოქმედებები გორის პარკში გუშინ გვიან ღამით დაიწყეს.