გუდაურში მომხდარი ნგრევის შედეგად საცხოვრებელი კორპუსი არ დაზიანებულა. კომპანია „რედკოში“ აცხადებენ, რომ ტერიტორიაზე , სადაც ნგრევა მოხდა პარკინგია განთავსებული.

„ტერიტორია, სადაც შემთხვევა მოხდა არც ერთ საცხოვრებელ პროექტს არ ეხება. ის პარკინგის ზონაა. საბედნიეროდ, არავინ დაშავებულა. მომხდარის მიზეზების დასადგენად ადგილზე კომპანიის წარმომადგენლები მიდიან. ნგრევა სავარაუდოდ ტერიტორიაზე მძიმე წონიანი ავტომობილის გადაადგილებამ გამოიწვია" - განუცხადა „პრაიმტაიმს“ კომპანია „რედკოს“ მარკეტინგის სამსახურის უფროსმა კატია აბსანძემ.