(რეზონანსი) თბილისში, ფონიჭალაში გაზის აფეთქების შედეგად დაშავებულები დამწვრობის ცენტრში გადაჰყავთ. ზემო ფონიჭალაში, სავარაუდოდ, ბუნებრივი აირის აფეთქებამ საცხოვრებელი კორპუსის მე-3 და მე-4 სართულებზე ნგრევა გამოიწვია.

მედიკოსების ინფორმაციით, დაშავებულების მდგომარეობა სტაბილურია. დაშავებულია ორი სრულწლოვანი და ერთი მოზარდი.

შემთხვევის ადგილზე მობილიზებულია სასწრაფო სამედიცინო ბრიგადები, სამაშველო სამსახური და პოლიცია. მაშველები შენობაში შესვლას სპეციალური ტექნიკით ცდილობენ.