დედაქალაქის მერიის შენობას საპრივატიზაციოდ ამზადებენ. აღნიშნულ საკითხზე მუშაობა უკვე მიმდინარეობს. ამ დროისთვის განიხილება ოთხი სხვადასხვა ტერიტორია, სადაც შესაძლოა, მერია გადავიდეს.

ერთ-ერთ ვარიანტად თბილისის ზღვაზე, მუნიციპალურ საკუთრებაში არსებული ტერიტორია განიხილება, რომლის შესწავლაც მერიას უკვე დაწყებული აქვს.

„ინტერპრესნიუსის“ ინფორმაციით, მერიის განთავსებისთვის ასევე განიხილება აღმაშენებლის გამზირზე მდებარე ე.წ. მიხაილოვის საავადმყოფოს ადმინისტრაციის ყოფილი შენობა.

არაოფიციალური ინფორმაციით, შენობაში, რომელშიც თბილისის მერია ამჟამადაა, მაღალი კლასის სასტუმროდ გადაკეთებაა დაგეგმილი.