(რეზონანსი) "რადგან ბერას და ნანუკას მეგობრები იყვნენ... თამადა ბერას მეგობარი იყო. ახალგაზრდა კაცი შესანიშნავად გაუძღვა სუფრას, ძალიან მოვიხიბლე. საერთოდ ახალგაზრდები ისე იქცეოდნენ, რომ მათ ყურებას არაფერი სჯობდა. მათი ჭეშმარიტი მამულიშვილობა ჩანდა. ბერამ თავად შეასრულა საკუთარი ორი სიმღერა... ჩვენ ორი სახის მრავალჟამიერი შევასრულეთ, მათ შორის ერთი საეკლესიო... თქვეს ფრანგული ჯგუფია ჩამოსულიო, იმღერეს, მაგრამ ვერ ვიცანი, რომელი ჯგუფი იყო.

ჯვრისწერის შემდეგ სუფრაზე გოგონა ახალ ულამაზეს ცისფერ კაბაში შემოსილი მოვიდა. ძალიან სანდომიანი სახის და აღნაგობის გოგოა. იშვიათად მინახავს ასეთი თავდაჭერილი პატარძალი. მისი ქცევა იმდენად მომეწონა, ეს ხაზგასმით აღვნიშნე სუფრაზევე..." - განაცხადა ჯემალ ჭკუასელმა "კვირის პალტრასთან" საუბარში.

"კვირის პალიტრა"