(რეზონანსი) "ძალიან ვიწრო წრეში იყო ქორწილი და აშკარად ჩანდა, რომ ოჯახმა პომპეზურობა არ ისურვა", - ამის შესახებ ანსამბლ "ერისიონის" ხელმძღვანელმა ჯემალ ჭკუასელმა განაცხადა.

"ბიძინამ მოსახლეობას გაუწია ანგარიში... რაც ყველაზე თვალში მოსახვედრი ყვავილების ზღვა იყო, რომლის მეშვეობითაც საოცარი სურნელი იფრქვეოდა. ძალიან განსხვავებული და საუკეთესო მენიუ იყო, ბევრ რამეს ვერც იცნობდა ადამიანი, რა კერძი იყო. თუმცა არაფერი იყო მეტიჩრული და გადაპრანჭული... სუფრაზე იყო შავი და თეთრი ღვინოები. ბიძინა ძალიან ბედნიერი ჩანდა, ადღეგრძელა შვილი და რძალი და ყოველივე საუკეთესო უსურვა", - აღნიშნა ჭკუასელმა "კვირის პალიტრასთან".