ახალციხეში მცხოვრები 13–14 წლის გოგოები, მეზობლად შუა ხნის კაცს გარყვნილ ქმედებაში ადანაშაულებენ. 37 წლის კაცი ერთ-ერთი გოგოს მშობლის მიერ პოლიციაში ჩივილის შემდეგ, გარყვნილი ქმედების ბრალდებით სამართალდამცველებმა დააკავეს. ინფორმაციას "სამხრეთის კარიბჭე" ავრცელებს.

საქმის მასალების თანახმად, ბრალდებული ახალციხეში ერთ-ერთ სასტუმროში მუშაობს და კვების ობიექტზეა დასაქმებული. ხუთამდე მოზარდი ამბობს, რომ 37 წლის კაცი მათთან ურთიერთობის დამყარებას ცდილობდა: "სასქესო ორგანოზე ეკიდა ხელი და ცდილობდა მოგვახლოვებოდა", - ამბობენ გოგოები.

37 წლის კაცი 10 ნოემბერს დააკავეს. აღკვეთის ღონისძიებაზე კი ახალციხის რაიონული სასამართლო, ხვალ 12 ნოემბერს იმსჯელებს. დაკავებულს ბრალი სსკ–ს 141 მუხლით ედება, რაც გარყვნილ ქმედებას გულისხმობს და ისჯება თავისუფლების აღკვეთით ვადით 8-დან 10 წლამდე.