აფხაზეთში, გუდაუთის რაიონის სოფელ ხოფში ცეცხლსასროლი იარაღიდან მიყენებული ჭრილობით მესამეკლასელი ბიჭი დაიღუპა. ადგილობრივი მედიის ინფორმაციით, შემთხვევა მაშინ მოხდა, როდესაც 2010 წელს დაბადებული ბავშვი სათამაშოდ თავის მეზობელთან 2007 წელს დაბადებულ ბიჭთან იყო წასული. უფროსმა ბავშვმა მამის კუთვნილი იარაღი აიღო და თამაში დაიწყო, რა დროსაც გასროლა მოხდა. 8 წლის ბავშვს ტყვია თავში მოხვდა და ადგილზე გარდაიცვალა.