თბილისი-ახალციხის გზაზე, სოფელ აწყურთან ავტოსაგზაო შემთხვევას მსხვერპლი მოჰყვა. ერთმანეთს სამგზავრო მიკროავტობუსი და მსუბუქი ავტომობილი შეეჯახა. გარდაცვლილია ერთი ადამიანი, დაშავებულია 8 პირი.

შსს ინფორმაციით სისხლის სამართლის საქმე 276 მუხლის მე-5 ნაწილით არის აღძრული, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია და ისჯება თავისუფლების აღკვეთით ვადით ოთხიდან შვიდ წლამდე.