(რეზონანსი) შინაგან საქმეთა სამინისტროს ინფორმაციით, ჯგუფურად ჩადენილი გამოძალვის ბრალდებით, 1993 წელს დაბადებული ჯ.მ. და 1999 წელს დაბადებული რ.მ. დააკავეს.

„გამოძიებამ დაადგინა, რომ დაკავებულები გარდაბნის რაიონში მცხოვრებ მოქალაქეს, 1981 წელს დაბადებულ ა.ხ.-ს მობილურ ტელეფონზე ურეკავდნენ და პირადი ცხოვრების ამსახველი კადრების გამოქვეყნებისა და სიცოცხლის მოსპობის მუქარით, თანხის გადახდას სთხოვდნენ", - ნათქვამია შსს-ს განცხადებაში.

გამოძიება ჯგუფურად ჩადენილი გამოძალვის ფაქტზე, საქართველოს სსკ- ს 181 მუხლის მე-2 ნაწილის „ა" ქვეპუნქტით მიმდინარეობს. დანაშაული კი 4-დან 7 წლამდე ვადით თავისუფლების აღკვეთას ითვალისწინებს.