(რეზონანსი) რუსთავში, არასრულწლოვანი გოგონას ადევნების ბრალდებით, 60 წლის მარლენი მახარობლიძე დააკავეს. ამის შესახებ ინფორმაციას "პრაიმ ტაიმი" ავრცელებს.

რუსთავის საქალაქო სასამართლომ, ბრალდებული გარყვნილი ქმედებისთვის, სსკ 141-ე მუხლის პირველი ნაწილით დამნაშავედ ცნო და 6 წლის ვადით თავისუფლების აღკვეთა მიესაჯა. თუმცა, დამნაშავე სასჯელს 2 წლის ვადით პენიტენციურ დაწესებულებაში, ხოლო 4 წლის ვადით პირობითი მსჯავრის ქვეშ, გამოსაცდელი ვადით მოიხდის.

შეგახსენებთ, რომ შემთხვევა 3 ნოემბერს მოხდა. 15 წლის გოგონას 60 წლის მამაკაცი აედევნა და ფულის სანაცვლოდ სქესობრივი კავშირი შესთავაზა. შეშინებულმა მოზარდმა მომხდარის შესახებ მშობლებს უამბო, რის შემდეგაც მოსახლეობამ დამნაშავის ძებნა დაიწყო.