საპარლამენტო უმრავლესობის წევრმა ნინო წილოსანი ამბობს, რომ ამომრჩეველს დაარწმუნებენ, თუ რატომ უნდა დაუჭიროს მხარი სალომე ზურაბიშვილს. მისი თქმით, წინასაარჩევნო კამპანიის ფარგლებში შეხვედრები გრძელდება. 

„ყველაფერი კეთდება იმისთვის, რომ მეორე ტურის პირობებში მოგვარდეს როგორც შტაბების მუშაობა, ისე სხვა საკითხები, რაც აქამდე ვერ მოხერხდა. დარწმუნებულები ვართ, რომ ჩვენ გვექნება  დამაჯერებელი გამარჯვება და ამომრჩევლებს დავარწმუნებთ იმაში, რატომ უნდა დაუჭირონ მხარი სალომე ზურაბიშვილს და არ მოაბრუნოს რეჟიმი, რომელიც ჩვენ ხალხთან ერთად გადავაგდეთ 2012 წელს“, - განაცხადა წილოსანმა.