საპარლამენტო უმრავლესობის ლიდერი არჩილ თალაკვაძე ლარის გასამყარებლად სავალუტო ინტერვენციებს აანონსებს. ამის შესახებ დეპუტატმა საფინანსო-საბიუჯეტო კომიტეტის სხდომაზე განაცხადა, სადაც „ნაციონალური მოძრაობის“ წევრ რომან გოცირიძეს უპასუხა. 

„რაც შეეხება რეზერვებს, ვალუტასთან დაკავშირებულ ინტერვენციებს, მოვლენებს ცოტა გაუსწარით. დაელოდეთ და ნახეთ, რა ინტერვენციებიც მოხდება და ლარის კურსსაც ნახავთ, ბოლოს როგორ მოხდება მისი ფორმირება. თქვენი ყვავის ჩხავილიც დასრულდება და ეს მოხდება ძალიან მალე“, – დასძინა თალაკვაძემ.

გოცირიძემ კომიტეტის სხდომაზე განაცხადა, რომ წელს სავალუტო რეზერვების შევსება ხდებოდა, რაც ლარის კურსზეც მოქმედებდა.