მმართველი გუნდის რიგებში აცხადებენ, რომ ეროვნულ ვალუტაზე საგარეო ფაქტორებთან ერთად უარყოფითად მოქმედებს წინასაარჩევნო გარემო და მოსახლეობის ნეგატიური მოლოდინი. ეროვნულმა ბანკმა გუშინ საჯარო პირებსა და ექსპერტებს ვალუტის კურსის შესახებ უსაფუძვლო პროგნოზების გაკეთებისგან თავის შეკავება თხოვა:

„კურსზე სტრესს, შინაურ და საგარეო გამოწვევებს პატარა საქართველომ დიდი ხანია, რაც გაუძლო. ეს სტაბილურობა შესანარჩუნებელია, მაგრამ მძიმე მდგომარეობა, ვფიქრობ, დროებითია“ - ამბობს დეპუტატი გია ვოლსკი.