(რეზონანსი) გურჯაანის მუნიციპალიტეტის სოფელ მუკუზანში მცხოვრებ 18 წლის ნუგზარ დიასამიძეს ერთი თვეა ეძებენ. ინფორმაციას "პრაიმ ტაიმი" ავრცელებს.

დაკარგულის დედის, მერი ზაქარაძის ინფორმაციით, მისი შვილი სახლიდან 5 ოქტომბერს გავიდა და მას შემდეგ არავის აღარ უნახავს.

ოჯახმა დახმარებისთვის სამართალდამცავებს 10 ოქტომბერს მიმართა. სამაშველო სამსახურმა და პოლიციამ ნუგზარ დიასამიძის კვალს ამ დრომდე ვერ მიაგნეს.

"5 ოქტომბერს, საღამოს 7 საათზე გავიდა. 10 ოქტომბერს პოლიციას მივმართეთ დასახმარებლად. ჯერჯერობით არანაირი გზა-კვალი არ ჩანს. დღეს უკვე ერთი თვე ხდება, რაც ჩემი შვილი დაიკარგა. ყველას ვთხოვ, რომ ვინც იპოვის, გვაცნობოს. მას არავისთან კონფლიქტი არასოდეს არ ჰქონია. ჩემი შვილი უკვე მეორედ დაიკარგა", - აცხადებს მერი ზაქარაძე.