(რეზონანსი) ზაზა სარალიძის საქმეზე წინასასამართლო სხდომის თარიღად 2018 წლის 14 დეკემბერი განისაზღვრა. ამის შესახებ მოსამართლე ქეთევან ლუაშვილმა რუსთავის საქალაქო სასამართლოში გამართულ სხდომაზე განაცხადა.

სხდომაზე ბრალდების მხარეს აღკვეთის ღონისძიება არ მოუთხოვია.

სხდომას ზაზა სარალიძე საკუთარ ადვოკატთან ერთად ესწრებოდა.

შეგახსენებთ, რომ პოლიციელზე თავდასხმის გამო ზაზა სარალიძე 26 ოქტომბერს, რუსთაველის გამზირზე დააკავეს. ბრალის დამტკიცების შემთხვევაში, ზაზა სარალიძეს 4-დან 7 წლამდე პატიმრობა ემუქრება.