საპრეზიდენტო არჩევნებში მარცხის შემდეგ ქართულ ოცნებაში დიდი გარჩევები დაიწყო. საპრეზიდენტო არჩევნების შედეგების გამოცხადების შემდეგ ბიძინა ივანიშვილი უყვიროდა ყველას, ვინც კი ხვდებოდა.

"რუსთავი2"-ის ინფორმაციით, ბიძინა ივანიშვილს ეჭვი გაუჩნდა, რომ მას ფული მოჰპარეს. "ქართული ოცნების" თავმჯდომარემ არჩევნებში სალომე ზურაბიშვილის გამარჯვებისთვის 10 მილიონი ლარი გამოჰყო. მმართველი პარტიის ფინანსები სოსო გოგაშვილს ჩააბარეს, თუმცა თანხა, რომელიც "ოცნებამ" ხმების მისაღებად დახარჯა, პოლიტიკური შედეგის არაადეკვატური აღმოჩნდა.

შიდა გარჩევების შესახებ მმართველი გუნდის წევრები კამერების წინ არ საუბრობენ. მირიან წიკლაური ერთადერთი დეპუტატია მმართველი გუნდიდან, რომლმაც დაადასტურა, რომ ბიძინა ივანიშვილი გაბრაზებულია და გუნდის წევრებს მწვავედ საყვედურობს.