ქედაში გარდაცვლილი 6 წლის ბავშვის მამიდა დარიკო გორგილაძე ამბობს, რპმ გამდიდრების გულისთვის ერთადერთი  ანგელოზივით ძმისშვილი მოუკლეს, ამიტომ კარიერმა მუშაობა არ უნდა გააგრძელოს, უნდა მოისპონ.

ქედაში კარიერზე მომხდარ აფეთქებას 6 წლის ბავშვის სიცოცხლე ემსხვეპლა. შსს-მ ამ საქმეზე 3 თურქეთის მოქალაქე დააკავა. გამოძების წინასწარი ინფორმაციით, შპს „სტრუიკ გრუპ ჯორჯიას” ქვეკონტრაქტორი კომპანიების თანამშრომლები ქედის რაიონის სოფელ ჭინკაძეებში უკანონოდ და უსაფრთხოების წესების დარღვევით აწარმოებდნენ ბურღვა-აფეთქებით სამუშაოებს.

მოზარდს ქვა თავის არეში მოხვდა და ადგილზე გარდაიცვალა. აფეთქებას ძლიერი ბიძგებიც მოჰყვა, რამაც საცხოვრებელი სახლებიც დააზიანა.

"ბავშვი ეზოში იჯდა, შიშის გამო გაქცეულა და ჭიშკართან დაწევია ქვა", – ამბობს მეზობელი.