(რეზონანსი) „ნიუპოსტის" ინფორმაციით, ზუგდიდის ყოფილი მერი, ლაშა გოგია, რომელიც ქრთამის აღების ბრალდებით დააკავეს, დღის პირველ ნახევარში „ქართული ოცნების" ცენტრალურ ოფისში იმყოფებოდა.

ლაშა გოგიამ მმართველი პარტის შტაბი 14:00 საათზე დატოვა. ვისთან ჰქონდა შეხვედრა გოგიას, უცნობია. აღსანიშნავია, რომ ლაშა გოგია სალომე ზურაბიშვილის ზუგდიდის საარჩევნო შტაბს ხელმძღვანელობდა.

ლაშა გოგია და ზუგდიდის ვიცე-მერი გია გულორდავა ქრთამის აღების ფაქტზე დღეს დააკავეს.