(რეზონანსი) პარლამენტის ფრაქცია „ქართული ოცნების" წევრის, კარლო კოპალიანის თქმით, მეორე ტურისთვის გუნდი მიდგომას შეცვლის და უფრო გააქტიურდება.

„ჩვენ აბსოლუტურად შევცვლით მიდგომებს, ვიმუშავებთ ძალიან სერიოზულად და მინდა დაგარწმუნოთ, რომ 1000-პროცენტიანი მოვიგებთ. ყველა დიდ ქალაქში ჩვენ ცუდი შედეგები გვაქვს, უფრო მოვეფერებით, უფრო მივალთ, დავინტერესდებით მათი პრობლემებით და აქედან გამომდინარე, შედეგსაც დავდებთ," - განაცხადა კარლო კოპალიანმა.