ალკოჰოლური სასმელების მწარმოებელი კომპანია “ზეარისი” დროებით წყვეტს მუშაობას და “ნაციონალური მოძრაობის” წინააღმდეგ კამპანიის დაწყებას გეგმავს. კომპანიის დამფუძნებლის, გოჩა ფიფიას განცხადებით, “ზეარისში” დასაქმებული 100-მდე თანამშრომელი რეგიონებში იმუშავებენ, რათა “ნაციონალურ მოძრაობა” ხელისუფლებაში არ დაბრუნდეს.

საწარმოს გარდა, “ზეარისი” მაღაზიებსაც ფლობს. გოჩა ფიფია მე-6 მოწვევის პარლამენტის წევრია. 2004-2008 წლებში ფიფია ზუგდიდის მაჟორიტარი იყო. ის ზუგდიდის ამჟამინდელი მაჟორიტარი დეპუტატის “ქართული ოცნებიდან” მერაბ ქვარაიას მხარდამჭერია.