ახალი საბანკო რეგულაციები, რომლებიც მიმდინარე წლის 1 ნოემბრიდან უნდა ამოქმედებულიყო, გადავადდა. ეროვნულ ბანკზე დაყრდნობით ამ ინფორმაციას "პირველი არხი" ავრცელებს.

სებ-ის განმარტებით, დაგეგმილი რეგულაციები შერბილდა და ამჟამად, ტექნიკური დეტალების დაზუსტებაზე მიმდინარეობს მუშაობა.

1-ლი ნოემბრიდან ძალაში უნდა შესულიყო რეგულაციები, რომლის თანახმად: იპოთეკაზე წესდება მაქსიმუმ 15-წლიანი ლიმიტი, უძრავი ქონებით უზრუნველყოფილი სამომხმარებლო სესხი მაქსიმუმ 10-წლიანი იქნება, ხოლო ნებისმიერი ტიპის სესხის ხანგრძლივობა 4 წელს არ უნდა აჭარბებდეს.