ხმაური და დაპირისპირება ბათუმის მე-9 საარჩევნო უბანზე. დაპირისპირება გაერთიანებული ოპოზიციის  - "ძალა ერთობაშას"  წარმომადგენლებსა და უბანზე მყოფ მოქალაქეებს შორის მოხდა.  ოპოზიციის  წარმომადგენლები ამტკიცებენ, რომ მოქალაქეები „ქართული ოცნების“ სასარგებლოდ ამომრჩეველს ფულს უბნის ეზოში უნაწილებენ, თუმცა ამას იქ მყოფები უარყოფენ.

დაპირისპირება შეხლა-შემოხლაშიც გადაიზარდა. ადგილზე იმყოფებიან სამართალდამცველებიც. უბანზე მივიდა აჭარის მთავრობის ყოფილი ხელმძღვანელი ლევან ვარშალომიძეც.